မည်သည့်အရာဖြစ်စေ
သောကြာနေ့ညနေတိုင်း ကျွန်တော့်မိသားစုကြည့်လေ့ရှိသည့် နိုင်ငံသတင်းတွင် စိတ်အားတက်ဖွယ်အဖြစ်အပျက်ကို အသားပေးဖော်ပြသည့် အစီအစဉ်ပါဝင်သည်။ ဤအစီအစဉ်က အခြားသတင်းများနှင့်မတူဘဲ အမြဲတမ်းအားပြည့်စေသည်။ မကြာသေးမီက ထုတ်လွှင့်ခဲ့သည့် အစီအစဥ်ကောင်းတွင် ကိုဗစ်ကူးစက် ခံခဲ့ရသည့် သတင်းထောက်အကြောင်းကို အသားပေးထားသည်။ သူသည် အပြည့်အဝ ပြန်လည်ကျန်းမာလာပြီးနောက် ဗိုင်းရပ်စ်ကို တိုက်ထုတ်နေရသည့် အခြားသူများအတွက် အကူအညီဖြစ်ရန် သွေးရည်ကြည်လှူရန် သူဆုံးဖြတ်ခဲ့သည်။ ပဋိဇီဝပစ္စည်းများက မည်မျှထိရောက်မှုရှိသည်ကို ထိုအချိန်က အကဲဖြတ်အဖွဲ့မှ တပ်အပ်မပြောနိုင်ခဲ့သေးပါ။ သို့သော် လူအတော်များများက အကူအညီမဲ့နေသကဲ့သို့ ခံစားရချိန်၊ သူမအနေနှင့် မသက်မသာနှင့် အပ်မှတဆင့် သွေးရည်ကြည် လှူဒါန်းရမည်ဖြစ်၍ "ဒီအရာဟာ အလားအလာရှိတဲ့အောင်မြင်မှု အတွက် ပေးရတဲ့ မဆိုစလောက်ပေးဆပ်မှုတစ်ခု" ဟုသာမှတ်ယူခဲ့သည်။
ထိုသောကြာနေ့ ထုတ်လွှင့်မှုအစီအစဥ် အပြီးတွင် ကျွန်တော်နှင့် ကျွန်တော့်မိသားစု စိတ်အားတက်ကြွသလိုဖြစ်ပြီး၊ မျှော်လင့်ချက်အပြည့် ဖြစ်လာသည်ဟု ကျွန်တော်ပြောရဲပါသည်။ ၎င်းသည် ဖိလိပ္ပိသြဝါဒစာ အခန်းကြီး ၄ ၌ ရှင်ပေါလု…
အလောတကြီး ဆုတောင်းချက်မဟုတ်
ဟာဝိုင်ယီကျွန်းသားတို့သည် ဂူဘုရားအပြင်ဘက်တွင် ကြာမြင့်စွာထိုင်လျက် ဂူဘုရားထဲသို့ဝင်ရန် မိမိကိုယ်ကို ကြိုတင်ပြင်ဆင်ကြသည့်အကြောင်းကို Alice Kaholusuna (အဲလစ်ကာဟိုလူစူနာ)က ဆိုသည်။ ဂူဘုရားထဲသို့ဝင်လာပြီးနောက် တွင်လည်း ယဇ်ပလ္လင်သို့ ရိုကျိုးစွာ တိုးဝင်ချဉ်းကပ်ပြီး မိမိတို့ဆုတောင်းချက်များကိုဆက်ကပ်ပူဇော်ကြသည်။ ထို့နောက် ဂူဘုရားအပြင်ဘက်သို့ထွက်ပြီး တစ်ဖန် ကြာမြင့်စွာပြန်ထိုင်လျက် ဆုတောင်းချက်အတွက် "အသက်ရှူသွင်း"ကြသည်။ ထိုကျွန်းသို့ သာသနာပြုများရောက်လာသောအခါ ၎င်းတို့၏ဆုတောင်းပုံသည် ဒေသခံများအတွက် ထူးဆန်းနေပါသည်။ သာသနာပြုများသည် မတ်တပ်ရပ်ကာ စကားလုံးအနည်းငယ်ရွတ်ဆို ဆုတောင်းပြီး 'အာမင်' ဟု အဆုံးသတ်လိုက်သည်။ ဟာဝိုင်ယန်များက ၎င်းကို "အသက်မရှုဘဲဆုတောင်းခြင်း" ဟုခေါ်ဆိုကြသည်။
အဲလစ် ပြောပြသည့်အဖြစ်အပျက်က ဘုရားသားသမီးများသည် "ငြိမ်ဝပ်စွာ နေပြီး ဘုရားသခင်ကို သိမှတ်ရန်”အခွင့်အရေး (ဆာ ၄၆:၁၀)ကို မရယူကြောင်း ဖော်ပြနေသည်။ အလွှဲမယူပါနှင့်။ ကျွန်ုပ်တို့၏ဆုတောင်းသံများ မြန်ဆန်သည် ဖြစ်စေ၊ နှေးကွေးသည်ဖြစ်စေ၊ ဘုရားသခင် နားညောင်းပါသည်။ သို့သော် ဘဝ အသက်တာသည် နှလုံးသား၏တည်ငြိမ်မှုအဟုန်ကို…
ဘုရားသခင်နှင့် အချိန်ယူခြင်း
Norman Maclean (နော်မန် မက်ကလင်း)၏ လက်ရာမြောက်လှသော ‘A River Runs Through It’ (မြစ်တစ်ခု ဖြတ်သန်းစီးဆင်းသွားသည်) ဇာတ်လမ်း သည် အမေရိကန်နိုင်ငံ၊ မွန်တားနားပြည်နယ်အနောက်ပိုင်း၌ ပရက်ဘေ တေးရီးယန်းသင်းအုပ်ဖခင်နှင့်အတူ ကြီးပြင်းခဲ့ရသည့် လူငယ်နှစ်ဦးအကြောင်း ရေးသားထားသည်။ တနင်္ဂနွေနေ့မနက်တိုင်း နော်မန် နှင့် သူ့ညီအစ်ကို ပေါလ် တို့သည် ဘုရားကျောင်းသို့သွားပြီး ဖခင်၏တရားဒေသနာကို ခံယူရသည်။ ညနေပိုင်း၌ ဝတ်ပြုစည်းဝေးခြင်း တစ်ကြိမ်ထပ်ရှိပြီး သူတို့ဖခင်က နောက်တစ်ကြိမ် ဟောပြောသည်။ သို့သော် ထိုဝတ်ပြုချိန်နှစ်ကြိမ်ကြား အားလပ်ချိန်တွင် ဖခင်က "ဝတ်ပြုစည်းဝေးနှစ်ချိန်ကြား စိတ်ဖိစီးမှုကို ဖြေလျှော့"စဉ် သူတို့ မှာမူ ဖခင်နှင့်အတူ တောင်ကုန်းများပေါ်၊ စမ်းချောင်းဘေးတစ်လျှောက် လမ်းလျှောက်ထွက်ကြ သည်။ "ညနေခင်းတရားဟောချက်အတွက် သူ့ဝိညာဉ်ကို တစ်ဖန် အားပြန်ဖြည့်ရန်၊ အားပြည့်လျှံစေရန်"အလို့ငှာ ဖခင်က တမင်တောထဲသွားခြင်းဖြစ်သည်။
ခရစ်ဝင်ကျမ်းများတွင် ယေရှုသည် တောင်စောင်းပေါ်နှင့်…
ဘုရားသခင်၏နိုင်ငံတော်
ကျွန်တော့်အမေသည် သူ့ဘဝသက်တမ်းတစ်လျှောက်တွင် ကတိကဝတ်များစွာ ပြုခဲ့ပါသည်။ သို့သော် သူ့စိတ်တွင် အမြဲရှိနေသောအရာတစ်ခုမှာ ကလေးများကို သခင်ယေရှုနှင့်မိတ်ဆက်ပေးလိုသောဆန္ဒလေးပင်ဖြစ်သည်။ သူသဘောမတူ သောကိစ္စကို အမေ လူသိရှင်ကြားထုတ်ဖော်သော အဖြစ်အပျက်တချို့ကို ကျွန်တော်ကိုယ်တွေ့ ကြုံခဲ့ဖူးသည်။ ထိုအဖြစ်အပျက် အားလုံးသည် သူတို့အထင် ပို၍အရေးကြီးသောအသုံးစရိတ်အတွက် ကလေးသာသနာမှ ရန်ပုံငွေကို ဖြတ်တောက်ရန် တစ်စုံတစ်ဉီးက ကြိုးစားချိန်များတွင် ဖြစ်သည်။ အမေက "သားညီလေးကို အမေကိုယ်ဝန်ဆောင်တဲ့ နွေရာသီမှာပဲ ခွင့်ယူဖူးတယ်။ အဲဒီ တစ်ကြိမ်ပဲ နားခဲ့တာ" ဟုကျွန်တော့်ကိုပြောပြသည်။ ကျွန်တော်ပြန်တွက်ကြည့် လိုက်သောအခါ အမေသည် အသင်းတော်ရှိ ကလေးများအတွက် (၅၅)နှစ်မျှ အလုပ်လုပ်ခဲ့သည်ပင်။
ခရစ်ဝင်ကျမ်းများတွင် "ရှင်ယေရှုနှင့် ကလေးသူငယ်များ" ဟု ခေါင်းစဥ် တပ်သည့် ချစ်နှစ်သက်ဖွယ်ဇာတ်လမ်းကို ရှင်မာကုခရစ်ဝင် အခန်းကြီး ၁၀ တွင် မှတ်တမ်းတင်ထားသည်။ လူအများက သူတို့ကလေးများကို သခင်ယေရှုထိတွေ့ပြီး ကောင်းချီးပေးရန် ကိုယ်တော်ထံ ခေါ်ဆောင်လာကြသည်။…
လမ်းလျှောက်ပါ၊ မပြေးပါနှင့်။
နေ့ရက်တိုင်း၊ အာရုဏ်ဦးအချိန်လေးကိုသူအမြဲကြိုဆိုကြောင်း ကျွန်ုပ်တွေ့ရသည်။ သူသည် ကျွန်တော်တို့ဒေသ၏ ပါဝါလမ်းလျှောက်အားကစားမယ်ဖြစ်သည်။ ကျွန်တော့်ကလေးများကို ကျောင်းသို့ကားမောင်းပို့စဉ် အရေးပေါ်ကားရပ်ရန် ယာဥ်ကြော၌ သူရှိနေသည်။ နားကြပ်ကြီးကြီးကို တပ်ထားပြီး ဒူးအထိရှည်သည့် ရောင်စုံခြေအိတ်ကိုစွပ်ထားသည်။ ခြေလက်များကို ဘယ်ညာ တစ်လှည့်စီ လှုပ်ရှား ပြီး လမ်းလျှောက်သည်။ ဤအားကစားသည် အပြေး(သို့) ရွရွပြေးနည်းနှင့် မတူဘဲ ကွဲပြားသည်။ ပါဝါလမ်းလျှောက်အားကစားတွင် ခန္ဓာကိုယ်၏အလိုလို ပြေးလိုသည့်သဘာဝကို တမင်ကန့်သတ်ထိန်းထားရသည်။ အားစိုက်ထုတ် ရမည်ဟု မထင်ရသော်လည်း အပြေး (သို့) ရွရွပြေးနည်းကဲ့သို့ပင် အင်အား၊ အာရုံ စူးစိုက်မှုနှင့် စွမ်းအင်တို့ လိုအပ်သည်။ သို့သော် ၎င်းတို့ကို ထိန်းချုပ်ထားသည်။
ထိန်းချုပ်မှုအောက်ရှိ စွမ်းအင်ဆိုသည်က အဓိကအချက်ဖြစ်သည်။ ကျမ်းစာ ထဲမှ နှိမ့်ချခြင်းအား ပါဝါလမ်းလျှောက်ခြင်းအားကစားကို ရှုမြင်သကဲ့သို့ပင် အားနည်းချက်အဖြစ် များသောအားဖြင့် ရှုမြင်ကြသည်။ အမှန်မှာ အားနည်းချက် မဟုတ်ပါ။ နှိမ့်ချခြင်းသည် ကျွန်တော်တို့၏ခွန်အားများ…
အငယ်ဆုံးသောသူကို အစေခံခြင်း
သူ၏အမည်က စပန်စာ (Spencer) ဖြစ်သည်။ သို့ရာတွင် အများက စပန့်(စ်) ဟုသာခေါ်ကြသည်။ အထက်တန်းကျောင်းသားဘဝတွင် သူသည် ပြည်နယ်၏ ပြေးခုန်ပစ်ချန်ပီယံဖြစ်ပြီး၊ အထင်ကရတက္ကသိုလ်တစ်ခုမှ ပညာသင်စရိတ် ထောက်ပံ့ကြေးအပြည့်ရပြီး ဆက်လက်ပညာဆည်းပူးခဲ့သည်။ ယခုတွင် သူသည် ဓာတုဗေဒဆိုင်ရာအင်ဂျင်နီယာပညာရပ်တွင် ရှင်ရိုသေလူရိုသေ ဆရာတစ်ဆူ ဖြစ်သည်။ သို့သော် သူ၏အကြီးမားဆုံး အောင်မြင်မှုတစ်ခုကို ပြောပြပါဟု မေးလျှင်၊ သူသည် အထက်ပါအချက်များကို သူပြောမည်မဟုတ်ပါ။ သူပြောပြ မည်မှာ လွန်ခဲ့သည့်လများက နီဂါရာဂွါနိုင်ငံ (Nicaragua)၏ အဆင်းရဲဆုံးဒေသတစ်ခုတွင် သူကူညီတည်ထောင်ထားသော ပညာသင်ကြားရေး အစီအစဉ်မှ ကလေးငယ်များနှင့်ဆရာမများထံ မကြာခဏ သွားရောက် ကြည့်ရှုခဲ့သည့် ခရီးစဉ်များအကြောင်းနှင့် ထိုသူတို့အား အစေခံရခြင်းသည် သူ့ဘဝကို တိုးတက် ကောင်းမွန်စေကြောင်း ဝမ်းမြောက်စွာ သင့်ကို ပြောပြလိမ့်မည်။
"အငယ်ဆုံးသောသူ" ဟူသည့်စကားကို ပုံစံအမျိုးမျိုးဖြင့် လူတို့ သုံးနှုန်းကြသည်။ သို့သော် အငယ်ဆုံးသောသူဟု သခင်ယေရှုဆိုရာတွင်…
စာရေးရသည့်အကြောင်းအရင်း
"ထာဝရဘုရားသည် ငါ၏ရဲတိုက်၊ ... သီချင်းဆိုရင်း အကျဥ်းစခန်းမှ ခွါခဲ့သည်။" ၁၉၄၃ ခုနှစ် စက်တင်ဘာ ၇ နေ့တွင် အက်တီဟေးလစမ် သည် ထိုစာသားများကို ပို့စကတ်ပေါ်တွင်ရေးပြီး ရထားပေါ်မှပစ်ချခဲ့သည်။ ၎င်းကို သူမ၏ နောက်ဆုံးစာ အဖြစ် မှတ်တမ်းတင်ထားသည်။ ၁၉၄၃ခုနှစ်၊ နိုဝင်ဘာ ၃၀ ရက်တွင် အော့စ္စ်ဝှချ် မြို့၌ သူမလုပ်ကြံခံရသည်။ နောက်ပိုင်းတွင် နိုင်ငံရေးအကျဉ်းသားများ ထားရာ အကျဉ်းစခန်းမှ အတွေ့အကြုံများကို ရေးသားထားသော ဟေးလစမ်၏ နေ့စဉ် မှတ်တမ်းကို ဘာသာပြန်ကာ ထုတ်ဝေခဲ့ကြသည်။ နာဇီတို့၏ရက်စက် ကြမ်းကြုတ် သောသိမ်းပိုက်မှုအပေါ် သူမ၏အမြင်နှင့် ဘုရားသခင်၏လှပတင့်တယ်သော ကမ္ဘာကြီးကို တွဲလျက်မှတ်တမ်းတင်ထားသည်။ ၎င်းကို ဘာသာစကားပေါင်း ၆၇ မျိုးဖြင့် ဘာသာပြန်ဆိုခဲ့ပြီး၊ သူမ၏ဒိုင်ယာရီကိုဖတ်ရှုသူများအတွက် အဆိုးေရော အကောင်းကိုပါ လက်ခံယုံကြည်စေသည့် လက်ဆောင်တစ်ခုဖြစ်သည်။
တမန်တော်ယောဟန်သည် လောကတွင် ကျင်လည်ခဲ့သော သခင်ယေရှု၏…
အလင်းကို ယုံကြည်ကြလော့
မိုးလေဝသခန့်မှန်းချက်မှ ဆိုင်ကလုန်းဗုံးဟု ကြေညာခဲ့သည်။ ဆောင်းမုန်တိုင်းတစ်ဟုန်ထိုးအရှိန်မြင့်လာပြီး လေဖိအားကျဆင်းသွားသည့်အခါ ထိုသို့ဖြစ်တတ်သည်။ ညရောက်လာချိန်တွင် နှင်းမုန်တိုင်းကြောင့် ဒန်ဗာလေယာဉ်ကွင်းသို့ သွားသောအဝေးပြေးလမ်းမကို မမြင်ရတော့သလောက် ဖြစ်သွားသည်။ မြင်ကို မမြင်ရတော့ပါ။ သို့သော် သမီးက လေယာဉ်စီးပြီး အိမ်အလည်ပြန်လာချိန် ဖြစ်သောအခါ လုပ်စရာရှိသည်ကို လုပ်ရမည်ပင်။ အင်္ကျီအပိုနှင့်ရေတို့ကို ထုတ်ပိုးမည် (အဝေးပြေးလမ်းပေါ် ပိတ်မိခဲ့သော်ပေါ့)။ ကားကို ဖြေးဖြေးမောင်းကာ အဆက်မပြတ်ဆုတောင်းနေမည်၊ နောက်ဆုံးအနေနှင့် ကားရှေ့မီးကိုလည်း စိတ်ချထားရမည်။ တစ်ခါတစ်ရံ၌ မဖြစ်နိုင်တော့လုနီးပါးအခြေအနေကို ရင်ဆိုင်ရနိုင်သည်။
တိုက်ခတ်လာမည့်အလားအလာရှိသည့် မုန်တိုင်းအကြောင်းကို သခင်ယေရှုကြိုတင်ပြောခဲ့သည်။ သူ၏အသေခံခြင်းနှင့် (ယော ၁၂:၃၁-၃၃)၊ သူ့ နောက်လိုက်များအား သူ့အပေါ် သစ္စာရှိရှိ အစေခံရန် စိန်ခေါ်မှုတို့ ပါဝင်သည့် မုန်တိုင်းပင် (:၂၆)။ အမှောင်ထုဖုံးလွှမ်းလာပြီး ဘာမှမမြင်ရတော့လုနီးပါးဖြစ်လာမည်။ သို့နှင့် သခင်ယေရှုက သူတို့ကို ဘာလုပ်ရန် ပြောခဲ့သနည်း။ “အလင်းကို ယုံကြည်ကြလော့” (:၃၆)ဟု သခင်မိန့်တော်မူခဲ့သည်။…
မုန်တိုင်းဝင်လာသောအခါ
အမေရိကန်ပြည်ထောင်စုအနောက်ဘက်ရှိ ရော့ကီးမောင်းထိန်း ကျောက်တောင်နှင့် နှစ်စဉ်နှင်းဖုံးလွှမ်းသောအရပ်ဟု လူသိများသည့် ကိုလိုရာဒိုပြည်နယ်တွင် ကျွန်ုပ်နေထိုင်ပါသည်။ သို့သော် ပြည်နယ်၏အဆိုးရွားဆုံး သဘာဝဘေးမှာ နှင်းမဟုတ်ဘဲ မိုးရေဖြစ်သည်။ ၁၉၇၆ ခုနှစ် ဇူလိုင် ၃၁၊ အပန်းဖြေမြို့ Estes Park ဝန်းကျင်တွင် The Big Thompson ရေလွှမ်းမိုးမှုဖြစ်ခဲ့သည်။ ရေများကျသွားသောအခါ သေဆုံးသူဦးရေ ၁၄၄ ဦး (တိရိစ္ဆာန်အရေအတွက်မပါဝင်) ရှိခဲ့သည်။ သဘာဝဘေးကြီးလွန်သွားပြီးနောက် ထိုဒေသတွင် အထူးသဖြင့် လမ်းနှင့် အဝေးပြေးလမ်းမများ၏အုတ်မြစ်ကို အထူးလေ့လာမှုများပြုခဲ့ရာ၊ မုန်တိုင်းဒဏ်ခံနိုင်ခဲ့သောလမ်းနံရံများကို ကွန်ကရစ်အပြည့်လောင်းထားကြောင်း တွေ့ရသည်။ တစ်နည်းဆိုသော် ကြံ့ခိုင်မာကြောသော အခြေခံအုတ်မြစ်များရှိနေခဲ့ပါသည်။
အသက်တာ၌ မုန်တိုင်းလာခဲ့သော်ဟုမေးရန်မဟုတ်ဘဲ မုန်တိုင်းဘယ်တော့လာမှာလဲဟုမေးရန်ဖြစ်သည်။ တစ်ခါတစ်ရံ ကြိုပြီးသတိပြုမိသော်လည်း များသောအားဖြင့် မသိနိုင်ပါ။ ထို့ကြောင့် ထိုသို့သောအချိန်အတွက် ဘုရား၏စကားတော်ကို ကြားရုံမဟုတ်ဘဲ လက်တွေ့အသက်ရှင်နေထိုင်ခြင်းဖြင့် ကြံ့ခိုင်သောအုတ်မြစ်ကိုတည်ဆောက်ရန် သခင်ယေရှုက အတိအလင်းမိန့်ကြားထားသည် (လု ၆:၄၇)။ ထိုအလေ့အကျင့်သည်…
အနည်းငယ် ချန်ထားပေးပါ
ပဲနိ၊ နီကယ်၊ ဒိုင်း၊ ကွာတား စသည့် အကြွေစေ့များသည် တစ်ခါတစ်ရံ တစ်ဒေါ်လာ၏တစ်ဝက်မျှ တန်ဖိုးရှိတတ်သည်။ ထိုအကြွေစေ့များကို အဖိုး၏ ခုတင်ဘေးရှိ စားပွဲပေါ်တွင် တွေ့ရပါမည်။ အဖိုးက ညတိုင်း သူ့အိပ်ထဲမှအကြွေမှန်သမျှကိုထုတ်ပြီး စားပွဲပေါ်တင်ထားလေ့ရှိသည်။ မကြာမီ မြေးများရောက်လာတော့မည်ကို သူသိနေသည်။ ဤနှစ်များအတွင်း မြေးများကလည်း အဖိုးအိမ်သို့သူတို့ရောက်တိုင်း ထိုစားပွဲသို့သာသွားသည့် အကျင့်ဖြစ်နေပါပြီ။ အဖိုးအနေဖြင့် အပိုအကြွေစေ့များကို စုဘူးထဲထည့် (သို့) ဘဏ်၌စုဆောင်းထားနိုင် သော်လည်း မစုပါ။ သူ့အိမ်သို့အလည်လာသည့် အဖိုးတန်ဧည့်သည်တော်များအတွက် ထိုသို့ပြုပေးရသည်ကို သူဝမ်းသာကျေနပ်သည်။
ထိုစိတ်သဘောကို ဝတ်ပြုရာကျမ်း ၂၃ တွင် ဖော်ပြထားပါသည်။ကောက်ပဲသီးနှံများ ရိတ်သိမ်းချိန်တွင် “စပါးကိုရိတ်သောအခါ လယ်ထောင့်ကို အကုန်အစင် မရိတ်ရ” (:၂၂)ဟု မောရှေမှတစ်ဆင့် ဘုရားသခင်က လူတို့ အလိုလိုမသိနိုင်သည့်အချက်ကို မိန့်တော်မူသည်။ အဓိကအားဖြင့် “နည်းနည်းချန်ထားပေးရန်”ဆိုလိုခြင်းဖြစ်သည်။ ၎င်းသည် လူတို့အား သူတို့၏ကောက်ပဲသီးနှံများ၏နောက်ကွယ်တွင် ဘုရားသခင်သည် အဓိကရှိနေပြီး၊…